2025-yilning 11-fevral kuni Makroiqtisodiy va hududiy tadqiqotlar instituti binosida О‘zbekistonda Mehnat unumdorligini oshirish istiqbollari mavzusida maxalliy va xorijiy ekspertlar ishtirokida davra suhbati bо‘lib о‘tdi.

Davra suhbati О‘zbekistonda innovatsion yechimlarni amaliyotga tatbiq etish va ularni mehnat unumdorligiga ta’siri mavzusida bо‘lib, “Mingbaev`s academy of robotics” rahbari bionik protezlar va ekzoskeletlar ishlab chiqarilishini joriy holati va bionika fanini rivojlantirish orqali resupblikada yuqori qiymat yaratuvchi maxsulot va xizmatlar hissasini oshirilishini bildirdi.

“Appolon injiniring” korxonasi qozonxonalarga innovatsion tejamkor gibrid tо‘g‘ri oqimli kо‘mir kukunini yoqqich (gorelka) uskunasi taqdimotini о‘tkazdi. Uskunaning afzalliklari: kо‘mir kukunining yonish samaradorligi 100 foizga yetishi, atmosferaga chiqariladigan zaxarli gazlar miqdorini 80 foizgacha qisqarishi, an’anaviy issiqlik energiyasi olish tizimlariga nisbatan kо‘mir sarfini 40 foizgacha tejash va 50 foizgacha qо‘shimcha issiqlik energiyasi olish imkoniyatini beradi.

Davra suhbati yakuni bо‘yicha jalb qilingan xorijiy va mahalliy ekspertlar tomonidan quyidagi tavsiyalar berildi:

Korxonalarda mehnat unumdoligini oshirish bо‘yicha zamonaviy mexanizmlarni (Tejamkor ishlab chiqarish, Kayzen) joriy etish;

Ishchi-mutaxassislarning malakaviy standartlar tizimini takomillashtirish va xalqaro sertifikatlash tizmini joriy etish;

Tor toiradagi mutaxassislar (tokar, payvandchi), injener-muxandislarni tayyorlash mexanizmini qayta qо‘rib chiqish. Jumladan, yirik sanoat korxonalari huzuridagi о‘quv-ishlab chiqarish markazlarida ta’lim-amaliyot yondashuvini va  xalqaro malaka sertifikatlari berilishini yо‘lga qо‘yish;

Innovatsion takliflar va ishlanmalarni tijoratlashtirish maqsadida ularni xalqaro qoidalarga mos standartlashtirish va sertifikatlash tizimini takomillashtirsh.