О‘zbekiston Respublikasi Oliy Majlisi Qonunchilik Palatasi Tadbirkorlik, raqobatni rivojlantirish va sanoat masalalari qо‘mitasi bilan hamkorlikni kuchaytirishga bag‘ishlangan ilmiy-amaliy seminar o‘tkazilib, “Hamkorlik Memorandumi” imzolandi.
Oliy Majlis Qonunchilik palatasining Tadbirkorlik, raqobatni rivojlantirish va sanoat masalalari qo‘mitasi respublikadagi yetakchi ilmiy-tadqiqot tashkilotlari va tahlil markazlari bilan o‘zaro hamkorlik muhokamasiga bag‘ishlangan davra suhbati o‘tkazdi.
Deputatlar, Tarmoq bozorlari va ishlab chiqarishda mehnat unumdorligi tadqiqotlari markazi xodimlari ishtirok etgan tadbirda qonunchilikni takomillashtirishda ilmiy-tadqiqot va ekspertlik tashkilotlari ishtirokini kengaytirish, qonun ijodkorligida ilmiy yondashuvlarni rivojlantirish, ilmiy-tadqiqot natijalaridan samarali foydalanish bo‘yicha fikr almashildi.
Ta’kidlanganidek, Prezidentimiz 2024-yil noyabr oyida Oliy Majlis palatalari majlislarida so‘zlagan nutqlarida Qonunchilik palatasi qo‘mitalarining faoliyat yo‘nalishlaridan kelib chiqib, ilmiy-tadqiqot muassasalari, tahlil markazlari bilan hamkorlik olib borish tashabbusini ilgari surgan edi.
Shundan kelib chiqib, davlatimiz rahbari nutqlarida belgilangan ustuvor vazifalarni amalga oshirish, ushbu yo‘nalishdagi hamkorlikni yo‘lga qo‘yish va kuchaytirish maqsadida qo‘mita hamda Tarmoq bozorlari va ishlab chiqarishda mehnat unumdorligi tadqiqotlari markazi o‘rtasida hamkorlik memorandumi imzolandi.
Hamkorlik qonunlarning ilmiyligini oshirish, iqtisodiyot sohalariga oid qonunchilikni takomillashtirish, energetika, qurilish, transport sohalarini rivojlantirish, tadbirkorlikni qo‘llab-quvvatlashga oid qonunlar yaratilishiga xizmat qilishiga xizmat qiladi.
Shuningdek, mazkur amaliyot qonunlarning ilmiy va amaliy jihatdan puxta bo‘lishini ta’minlashga, ilm-fan yutuqlarining qonun ijodkorligi va amaliyotga joriy etilishiga, ilmiy muassasalar bilan parlament hamkorligi mustahkamlanishiga imkon yaratishi aytib o‘tildi.
Tadbirda kelgusida hamkorlikda amalga oshiriladigan rejalar belgilab olindi.